Helburuak:

“Sarrea Euskal Udalekua” aisialdi elkarteak urtean zehar gogor egiten du lan udaldiko txandak prestatzeko. Bestalde, elkarteak hainbat helburu ditu udaldian haurrekin aurrera eramaten saiatzeko:

• Euskara bultzatea: elkartearen izenak dioen bezala udalekuan erabiliko den hizkuntza euskara izango da, haurra euskal giro batean egonik euskararen erabilpena bultzatuz.

• Euskal Kultura bultzatzea: aurreko helburuarekin lotuz haurrek euskal kulturari buruz duten ezagutza zabaltzen saiatzen gara ekintza ezberdinen bidez: jolasak, abestiak,...

• Naturarekiko harremana sustatzea: joku ezberdinen bitartez, herri txiki batek eta bere inguruneak eman ditzakeen aukera anitzak erakusten saiatzen gara.

• ONGI PASATZEA!!!: aurreko helburu guzti hauek betez, garrantzitsuena umeak udaldi zoragarri bat igarotzea da. Helburu hau lortzeko abantaila bat dugu, begirale eta sukaldari oro bolondres gisa goazela.

Programazioa:

Udaldian zehar ekintza ezberdinak egiten ditugu. Ekintza horiek gutxi gora behera honela banatzen ditugu egunean zehar:

• 9:00: Esnatu. Jeiki ondoren ordu erdi izango dugu prestatu eta gosaltzera joateko.

• 9:30: Gosaria. Ondo gosaldu ondoren, dena jaso, hortzak garbitu eta lehenengo ekintza egiteko prest egongo gara.

• 10:30: Ekintza. Dagoeneko iritsi da jolasteko garaia! Ekintza hauetan tailerrak, jokuak,… egiten egoten gara berriz gosetu arte.

• 13:30: Bazkaria. Jolasean jarraitu aurretik indarrak berritu behar ditugu sukaldarien janari goxoekin. Ondoren berriz ere ontziak jaso eta hortzak garbitzean atsedenaldia izango dugu bakoitzak nahi duena egiteko: etxera idatzi, zelaian jolastu, zuhaitz azpian deskantsatu,...

• 16:00: Igerilekura. Bernedon udaran beroa egiten duenez igerilekura joaten gara egunero pixkat freskatu eta bertan jolasteko.

• 17:30: Askaria. Eguraldiaren arabera igerilekuan edo udalekuan jango dugu gure ogitartekoa, hurrengo ekintza iritsi arte.

• 18:00: Ekintza. Oraingoan eguneko bigarren ekintza egingo dugu.

• 21:00: Afaria. Berriz ere indarrak berritzeko ordua iritsi da.

• 22:00: Gaubela. Eguneko azken ekintzarekin iritsi gara egunaren amaierara.

• 23:00/00:00: Ohera. Dagoeneko nahiko nekatuta gaudenez ohera joango gara urrengo egunerako indarrak berrituz.

Argazkiak: