Euskal Herriak badauka galtzen utzi ezin dugun altxorra: EUSKARA eta ohituraz eta tradizioz sortutako KULTURA aberatsa. Horretaz guztiorretaz gozatzeko eta ondo pasatzeko aukera daukazu EUSKAL UDALEKUETAN.
                                             BIZI EZAZU UDA EUSKARATIK ETA EUSKARAZ!
Jende atsegina, giro jatorra eta naturaz gozatzeko aukera ezin hobea daukazu ABAIGARreko, BERNEDOko eta GOÑIko Euskal Udalekuetan.
                                             ZATOZ EUSKAL UDALEKUETARA!

OHARRAK

1- Gure udalekuetan EUSKARAZ BAKARRIK HITZ EGITEN DUGU. Ez ezazu euskaraz ez dakien umerik edo gazterik bidal.
2- IZEN-EMATEA, martxoaren 17tik apirilaren 13ra bitartean. Gure WEB ORRIALDEAN (www.euskaludalekuak.org) dagoen fitxa bete beharko duzue. Gehienez 3 haurren/gazteren eskaerak onartuko dira; asko jota taldeak 3koak izango dira. Mesedez, ez ezazue izen ematea errepika; zuon umeek/gazteek ez dute parte hartzeko aukera gehiago izango, eta horrek ikaragarri zailtzen du bulegoko lana.
3- Izen-ematea egin aurretik, ondo begiratu zein den umeari/gazteari dagokion txanda. Aukera gehiago egoten da abuztuko txandetan.
4- Txandak bete arte zabalik egongo da izena emateko epea. Martxoaren 17tik apirilaren bitartean, plaza baino eskaera gehiago dagoen txandetan aukeraketa egingo da. Aukeraketa ez dugu zozketa bidez egiten. Hainbat irizpide hartzen ditugu kontuan (parekidetasuna, ahalik eta herri gehienetako jendearen parte-hartzea…)
5- Umea aukeratua izan edo ez: denok jasoko duzue erantzuna MAIATZEAN ZEHAR etxera bidaliko dizuegun eskutitz batean .
6- BULEGO ORDUTEGIA:  18:00 - 20:00. 943751407