2010-07-06

EUSKAL HERRIKO BAKARKAKO VI.SEGA TXAPELKETA NAZIOARTEKO ERAN

Badator aurten ere, nazioarteko eran jokatzen den Euskal Herriko Bakarkako Sega Txapelketaren eguna. Uztailaren 17an jokatuko da Nafarroako Etxaleku herrian eta 6. urtea izango da aurtengoa.

Txapelketa hau, belarra ahalik eta azkarren eta txukunen ebakitzean datza eta epaileen balorazioa ere horren araberakoa izango da. Txukuntasunik eza denborarekin zigortuko da eta azkenean denborarik baxuenekoa irtengo da garaile.

Txapelketa, maila eta atal ezberdinetan banatuko da:

1.- 16 urtera artekoak (16 urtekoak barne, neska zein mutil): ebaki beharrekoa: 35m2-ko saila.

2.- 17tik 23 urtera bitartekoak (23koak barne). Hemen bi atal bereiziko dira: - Gizonezkoena: 100m2 - Emakumezkoena: 35m2

3.- 24 urtetik gorakoak. Eta hemen ere bi atal: - Gizonezkoena: 100m2 - Emakumezkoena: 35m2

Honetaz gain, aipatu, haurrek ere erakustaldia eskainiko dutela.

• BAKARKAKO ARAUDIA.pdf

2010-06-25

XII. Dia de la Dalla

Joan den Ekainaren 12 eta 13ko asteburuan Almitzako zenbait kide Kataluniako Hostalets d'en Bas herrian ospatu zen XII. Dia de la Dalla festan izan ziren. 6. urtez hartu dute parte Almitzakoek Gironako herrixka honetan ospatzen den festan. Aurrekoetan bezalaxe, aurtengoan ere, eguraldia lagun, giro polita izan zuten bai segalariek eta baita bertara hurbildu zen jendeak ere. Segaren Eguna ospatzeaz gain, Lurraren Azoka Eguna ere ospatu zen. Beraz, kirol ekitaldiaz gain, Val d'en Bas bailarako jendearen hainbat artisau eta produktu postu ikusteko aukera ere izan zuten bertaratutakoek. Eskualdeko agintariak ere inguratu ziren herri bazkari eta afariarekin borobildu zuten festa kutsuko asteburua.

2010-05-31

EUSKAL HERRIKO TALDEKAKO III.SEGA TXAPELKETA HERRIKOIKO SAILKAPENA

Pasa den larunbatean jokatu zen Ormaiztegin Euskal Herriko Taldekako III.Sega Txapelketa herrikoia. Jende dexente inguratu zen ekitaldia ikustera eguraldia lagun. Ekitaldiaren ondoren herri afaria egin zen giro ederrean. 120 lagun inguru bildu ziren bertan eta ez zen bertso, txistu eta soinurik falta izan giroa alaitzeko. Afalondoren sari banaketa egin zen eta hona hemen lehenbiziko postuetan gelditu zirenen sailkapena: Gizonezkoetan: 1.- Zadibi 1 taldea: 4'14''48 2.- Baliarrain: 4'43'' 69 3.- Gaztelu: 5'12'' 40 Emakumezkoetan berriz: 1.- Gipuzkoa,nafarroa, lapurdi, bizkaia taldea: 4'25'' 22 2.- Gaztelu: 4'48'' 45 Belar zaila egon arren, segalariek ederki burutu zuten beraien lana eta Almitzaren izenean eskerrak eman nahi dizkiegu parte hartzaile guztiei. Baita ekitaldia antolatzen lagundu zuten Ormaiztegiko Udalari eta Irizar enpresari ere. Honetaz gain, ez ditugu aipamenik gabe utzi nahi parte hartu zuten gaztetxoak eta Okzitaniarrek ere. Beraien segan egiteko modu propioan erakustaldi polita eskeini baitziguten. Eta azkenik, eskerrak oraingoan parte hartu ez arren, ekitaldira etorri ziren Katalanei ere. Laster jarriko ditugu ikusgai ekitaldiko argazki batzuk.

2010-05-12

Euskal Herriko Taldekako III. Sega Txapelketa Herrikoia

Hirugarren urtez jokatuko da aurten taldekako nazioarteko erako Sega Txapelketa Herrikoia. Almitza Sega Elkarteak Europako txapelketetan ikusi eta bizi izan dituen esperientzia horiek Euskal Herrira ekarri nahi ditu. Horretarako, hizkuntza gutxituak dituzten beste herrialde batzuetako gonbidatuak ere izango dira parte hartzaileen artean, hala nola, Okzitaniarrak eta Kataluniarrak. Gonbidatu hauen presentziaz gain ordea, txapelketari festa kutsua eman nahian, bertako jendea parte hartzera animatzeko saiakera berezi bat ere egin nahi du Almitzak. Bete beharreko baldintza nagusiak honako hauek izango dira: Segalariak launakako taldetan lehiatuko dira eta beraien trebezia azaldu beharko dute, bai belarra mozteko azkartasunean eta baita txukuntasunean ere. Bi kategoriatan banatuko da lehia, emakumezkoenean eta gizonezkoenean. Taldeak mistoak ere izan daitezke, eta emakumezko eta gizonezko kopuruaren arabera, kategoria batean edo bestean lehiatuko dira. Emakumezkoen kategorian ebaki beharreko saila 8x15m2-koa izango da eta gizonezkoenekoa berriz, 10x20m2-koa. Segaren neurria librea izango da eta behar izanez gero, talde bakoitzeko zorroztaile bat onartuko da (hau izena ematerakoan adierazi beharko zaie antolatzaileei). Izena emateko edo beste argibideren bat behar izanez gero ordea, almitzasega@yahoo.es helbidera idatzi edota honako telefono zenbaki honetara ere dei dezakezue: 615743411 (Tomax). Horretarako azken eguna Maiatzaren 15a izango da. Aipatu, behin lehia amaiturik afari eder batekin emango zaiola festari segida.

• OINARRIAK .pdf

2009-07-01

Euskal Herriko nazioarteko erako II. Sega Ligaren Finala

   Uztailaren 5ean jokatuko da Zaldibian, eguerdiko 12:00etan.

   Bertan 7 emakumezko eta 20 gizonezko ariko dira lehian. Ekitaldi honen ostean jakingo dira, hiru ekitaldietan zehar egindako lana baloratu eta gero, emaitzarik onenak lortu dituzten emakume eta gizonezkoen izenak zeintzuk diren. Sailkapen horretatik, 30etik beherako lehen 7 gizonak eta 4 emakumeak aukeratuko dira Alemaniako Thündorfen bakarkako lehiaketan aritzeko. Era berean, sailkapen beretik, 30 urtetik gorako lehen 3 gizonezkok eta emakumezko bakarrak ere aukera izango dute lehiaketa berean, beste kategoria batean, parte hartzeko.

• 2. ekitaldirarteko sailkapena.pdf

2008-07-07

Asteburuko emaitzak: Euskal herriko Trontza Txapelketako kanporaketa. Lur gaineko Euskadiko Sokatira Txapelketa. Gipuzkoako II. Mailako kanporaketa eta Arabako txapelketak.

Bestalde, final nagusira sailkatu ez zirenek Eukal Herriko II. Mailako finala jokatzeko aukera izango dute. Final hori, heldu den abuztuaren 15ean jokatuko da, Baliarrainen (Gipuzkoa), 18:30ean.

2008-07-07

Asteko herri kirol ekitaldiak. Nafarroako txapelketak.

GIZONEZKOEN NAFARROAKO 1. MAILAKO ARPANA TXAPELKETA

NAFARROAKO KADETE MAILAKO ARPANA TXAPELKETA

EMAKUMEZKOEN NAFARROAKO ARPANA TXAPELKETA

Egin beharreko lana: Neurri desberdineko 5 enbor moztu (banakako probak): 45’, 54’, 60’ eta 72’ etzanda eta 54’ zutik.

GIZONEZKOEN NAFARROAKO 1. MAILAKO ARPANA TXAPELKETA

NAFARROAKO KADETE MAILAKO ARPANA TXAPELKETA

EMAKUMEZKOEN NAFARROAKO ARPANA TXAPELKETA

AIZKORA ERAKUSTALDIA (emakumezkoak)

AIZKORA ERAKUSTALDIA BIKOTEKA (gizonezkoak)

NAFARROAKO TXINGA-EROATE TXAPELKETA (gizonezkoak)

LASTO-ALTXATZE ERAKUSTALDIA (Igantzikoak, Joxemartin Bustintza Tubi eta Andde Arbenoitz)

NAFARROAKO GURDI-ALTXATZE TXAPELKETA

2008-06-26

Asteburuko herri kirol ekitaldiak. Gipuzkoako Sega Txapelketaren finala. Lur gaineko Euskadiko Txapelketako 3. eta azken jardunaldia 640 kilotan, Mutrikun. Harri-zulatze Ligako jardunaldia jokatuko da Galdamesen.

Euskal Herriko harrizulatzaileen X. ligako sailkapena   Postua   Taldea   Puntuak           Markak 1.        Jaizubia 32 676,0 cm 2.       Trapagaran  31 679,7 cm 3.       Aldai-alde  25         612,0 cm 4.       Burdin Gazteak  20         583,9 cm 5.       Gallarta  19         574,3 cm 6.      Txorierri  18         564,9 cm 7.      Kabiezes  18         548,1 cm 8.      Arboleda  13 529,5 cm 9.       Errekatxo  4 409,6 cm

Aizkora

1. Txapeldun geratzen denak iazko marka gainditzen badau, 100 € ko sari berezia jasoko dau.
2. Harrijasotzaileak 5 minutuko txanda bakarrean arituko dira. Harri-jasotze probetako araudiak aginduko dau.
3. Harrijasotzaileek bi laguntzaile eukiko dabez gehienez eta hauek litzentzia eguneratuta eduki beharko dabe.

4. Proban parte hartzen dauenak, bere txanda egin baino lehenago, eskuak ur eta jaboiagaz garbitu beharko dauz epaileen aurrean. Honetarako materiala antolatzaileak jarriko dau.
5. Laukarizko Harria  “ Lau Aritz Kultur Elkartearen egoitzan egongo da uztailaren 3tik proba eguna arte eta aldez aurretik eskatuta ikusi ahal izando da, baina jaso ez. Norgehiagoka izan baino 48 ordu lehenago, horretan adituak direnek garbituko dabe harria.
6. Federazioak homolagatutako baskula batean eta epaileen aurrean pisatuko dira partehartzaileak eta norgehiagokan berdinketa gertatuz gero, pisu gitxien daukana geratuko da aurretik. Partehartzaileren batek pisatu gura ezean eta berdinketarik balego, lehenago parte hartu dauana geratuko da aurretik.
7. Eguraldia dela eta, edo antolatzaileekin zerikusirik ez daukan beste edozergaitik norgehiagoka bertan bera itxi beharra balego, parte-hartzaile bakoitzak 100 € jasoko leukez.
8. Proba hasi baino lehenago harria apurtzen bada, konponbiderik daukan ikusi eta, holan izanez gero, norgehiagoka egingo da. Osterantzean bertan behera itxiko da eta perte-hartzaile bakoitzak 100 € jasoko dauz.

2008-06-26

Almitza Sega Elkartearen Sega Ligako hirugarren jardunaldia, Igorren (Bizkaia), larunbatean.

Heldu den larunbatean (ekainak 28) jokatuko da Sega Ligako hirugarren jardunaldia Igorren (Bizkaia), 17:30ean. Herrian bertan izango da ikuskizuna. Gizonezkoetan oso lehia parekatua dute Joxe Gabirondok eta Juanjoxe Lizasok, eta parekoa espero da larunbatean.

1. Marialuixa Gabirondo:           02:05.57
2. Arrate Garin:                            02:23.59
3. Ainhoa Mazkiaran:                  02:55.19
4. Iurre Olano:                              03:15.49
5. Josune Gorostidi:                   03:57.73
6. Irati Astondoa:                         04:34.35
7. Ixabel Ansa:                             04;43.47

1. Juanjoxe Lizaso:                       03:05.43
2. Joxe Gabirondo:                        03:08.48
3. Jexuxmari Lasa:                        03:16.34
4. Mielmari Jauregi Altzo:            03:19.92
5. Jexuxmari Goenaga:                 03:22.75
6. Jokin Garmendia:                     03:28.82
7. Jon Lapazaran:                          03:32.04
8. Arkaitz Arteaga:                          03:34.38
9. Mikel Aranalde:                          03:37.14
10. Igor Esnaola:                             03:43.05
11. Iñaki Lizaso:                              03:53.21
12. Bixente Mitxelena:                    03:59.50
13. Jokin Etxeberria:                      04:12.86
14. Mielanjel Goioaga:                  04:17.87
15. Juan Mari Agirrezabala:         04:35.61
16. Joxe Atin:                                  04:45.25
17. Iker garmendia:                       04:45.54
18. Pabi Astondoa:                        04:54.47
19. Jokin Garmendia:                    05:04.80
20. Jon Kanflanka:                         05:16.68
21. Andoni Zuriarrain:                    05:52.06
22. Andoni Goikoetxea:                 05:55.19
23. Igor Astondoa:                          06:07.77
24. Julen Etxeberria:                      06:37.54
25. Unai Iraola:                               07:30.90
26. Jaime Atxa:                               08:39.24

2008-06-16

Asteburuko emaitzak: Goiherri A-k irabazi zuen 640ko 2. jardunaldia. Aimar irigoien, Juanjoxe Agirregabiria eta Jexuxmari Ormaetxea 'Urki' izan ziren Gipuzkoako harri-jasotze, txinga-eroate eta segako irabazleak.

GIPUZKOAKO HARRI-JASOTZE ETA TXINGA-EROATE TXAPELKETAK

Aimar Irigoienek irabazi du bigarren urtez Gipuzkoako Harri-jasotze Txapelketa. Iaz lortu zuen lehen aldiz txapela eta igandean (ekainak 15) bigarrengoz jantzi zuen, iaz baino jasoaldi bat gutxiago eginda; 100 kiloko bolarekin hain justu ere. Bigarren Joseba Ostolaza izan zen, 775 kilo gutxiago leporatuta. Gipuzkoako Txinga-eroate Txapelketan, berriz, Juanjoxe Agirregabiria nagusitu zen, 16 plaza eta 3 zinta eginda.

Igande arratsaldean jokatu ziren aipaturiko txapelketak, Errezilgo eskoletako plazan. Lehenik txinga-eroate txapelketa jokatu zen eta ondoren harri-jasotzekoa.

HARRI-JASOTZEA

Harri-jasotze txapelketan, hurrenkera honetan jardun zuten lehian aritu ziren bost harri-jasotzaileak, zozketa egin ondoren: Hodei Iruretagoiena Izeta IV (Aia), Aimar Irigoien (Errezil), Joseba Ostolaza (Zestoa), Jexuxmari Iruretagoiena Izeta III.a (Aia) eta Urtzi Telleria (Lasarte). Hasierako harriarekin egin zuen aldea Irigoienek. Izan ere, 125 kiloko zilindro-koparekin bi jasoaldiko aldea atera zion Ostolazari. Bigarren postua, berriz, 112,5 kiloko kuboarekin ziurtatu zuen Ostolazak. Hirgarren posturako lehia izan zen estuena, Jexuxmari eta Hodei osaba-iloben artekoa.

Jokin Eizmendik ez zuen jarduterik izan, aurrez teléfonoz jakinarazi zuelarik

Txapelketa amaituta Jon Tecedorri eskaini zion txapela Aimar Irigoienek, hari zuzendutako idazki bat irakurrita. Jon Tecedor atzo hil zen istripuz, Zizurkila (Gipuzkoa) zihoala Euskadiko Pisu altxatze Txapelketara.

TXINGA-EROATEA

Herri kirol jaialdiko lehen txapelketa izan zen txinga-eroatekoa. Lau kirolari aritu ziren lehian, eta hurrenkera honetan, zozketa egin ondoren: Juanjoxe Agirregabiria (Deba), Andoni Zubiaurre  (Mutriku), Xabier Urresti (Ondarroa) eta Patxi Ituarte (Mutriku). Sarritan bezala, Agirregabiriak egin zuen lanik onena.